我發現原來香港有好多地方我係未去過的

諗緊可以逐一去，尤其郊外的地方

我諗我地一班傻婆係時候去闖一闖，因為最值得信賴的地圖番來了~~

哈~不過我身體的某一部份又會俾佢折磨>.<

可惜我而家要夾星期六啦~

上次遇到了一件好好笑的事

坐巴士時突然發出一聲巨響，我地都唔知發生咩事，應該似架巴士撞到樹木

前面有個男仔訓緊覺，點知巨響後佢即刻摸住自己個頭，以為自己個頭撞到玻璃而發出巨響，我諗佢覺得唔痛之後又繼續訓，當時真係好好笑~~

如果俾你用一樣物品去形容身邊的人，你又會用咩去形容呢?

好似係一條幾無聊的問題，不過真係需要時間去諗諗

世界真細小

原來身邊既人好多時同時亦係朋友的朋友/同事

雨天

昨晚去左太平洋餐館，食左出名的成個頭咁大的梳乎厘同瑞士雞翼

不過好似媽咪整的雞翼好食D

我知道你地的憂慮

放心，我會取得平衡

只係時間分配的問題

家人重要，你地重要，他亦重要

我唔會完全忽略某一方既~ 俾d信心我啦~

今日落雨去唔到濕地公園 >.<

希望遲d好天d就可以去啦

另外我又想去黃金海岸同士多啤梨園

睇下遲d有冇機會去先

不過有時只要在一起就滿足了

所以今日去左唱K~ 唱左好多城城歌，好似開演唱會咁~ 哈哈~

好耐都未試過唱多過4首城城

好開心呀~

我願你知道

踏入新一年，我相信面對的挑戰會比之前愈來愈多

熟悉我的人都知道我好重視我的家人

我會傾盡全力去維繫、幫助我的家人

我第一次感到無力感，這又不是一個不能解決的問題

於去年更大、更可怕的問題都能平安過渡

今次我真是好憤怒

但我知道我有更多的失望、內疚

我究竟可以點做呢?

請容我憤怒一次，我真係好想給某人一把掌 (當然實際上我唔會咁做)

我不能改變現實，決定權亦不在我手

但我最叻的係傾聽和給予支持

可能只係一件好細的事，但只要是牽涉我的家人，那怕令我頭破血流，我都會堅持站出來

共富貴好容易，但又幾多人可以共患難呢?

如能找到一個同你共患難的人，真係要加倍珍惜，因為這一輩子未必會再找到第二個

2010的第一篇小記

我覺得原來唔寫日記會好快唔記得做左什麼，尤其我係冇咩記性既人

2009年，對於我來講都算幾多事情發生的一年

無論自己或家人或好朋友的事，我都會著緊

係McDonald攬住Kitty痛哭

係醫院通宵過夜，全心全意照顧家人

好多謝大家陪伴我過去咁多年

我到昨天先知原來我係最低B、最傻果個，可以帶俾你地咁多歡笑

我地之間的經典笑話，頭幾位原來都係我的低能史

其實我真係唔知點解我會製造出咁多經典笑話~ (我是很認真的!)

我的生活都只因有你地而充滿歡樂

你說你的生活都因我而有所改變，我都同你一樣

希望my dream will come true~

諗左好耐究竟打唔打呢篇xanga

不過遇上生日就點都要講一講

今年生日好開心有你地陪我渡過

正日Winnie陪我入左迪士尼拎生日襟章

其實幾低能下，不過又想要

戴住佢玩左大半日，有員工見到生日襟章都會同我講生日快樂

晚上Kristine and Kitty唱K buffet

好耐都冇唱過K了

果晚有一半變左城城之夜~仲有生日歌聽~

好開心收到你地對我的生日祝福，無論係電話，SMS，MSN，Xanga等

一個星期的生日約會帶來好多笑話~

知道Lily的近情! 嘻嘻~ 好事近~

轉貼Koey的Xanga: (註: Terry是我的別名，ME係Koey本人)

TERRY: 想唔想睇戲呀，不如一齊睇海角"6號"???

ME: 吓...(我以為佢係度講笑，所以呆左幾秒...)

TERRY: 睇唔睇海角"6號" gei?

ME: 係7號呀...唔係6號bor...

TERRY: 哈哈...差唔多gei...

我真係以為叫海角"6號"架~~ 低B左~~ 哈哈~

其實之前都同家人去左柏麗灣和迪欣湖和迪士尼酒店影

攝影師就係我表弟~

我發現我表弟幫我影D相可以影到我塊面唔係圓形呀! 勁感動~

有D仲可以拎去相體呀~

加上之前同中學同學影，總共影左8百幾張畢業相

等我學下整個Online Photo Album，可以再upload多D相先~

跟住到畢業典禮~ 17 Nov 08

最後係一樣事係我猶豫寫唔寫Xanga的主要原因

我排期做手術的日子定左係今年十二月八日(仁濟醫院)

排期睇醫生就咁耐(排左2年，於今年10月尾睇醫生)，一睇完醫生就即刻安排做手術

雖然預左要做，但都好愕然

我以為係下年，仲問醫生下年既果日係星期幾，點知醫生笑住答我係今年

由於係後腦表層部，有小小風險

醫生話早做會好D，因為而家良性，免得變惡性

肯定既係要削小小髮及聯針

日子轉眼間就到了

之後就唔駛心掛掛啦